Mehatxu larriak dituztela Kolonbiatik etorritako giza eskubideen defendatzaileak babestea. Programa 2001ean hasi zen, eta parte-hartzaileak sei hilabetez hartzen dira Gijongo udal-etxebizitzetan. Halaber, mantenurako laguntza ekonomiko bat ematen zaie, eta PAV bultzatzen duten erakundeen laguntza izaten dute. Horrez gainera, 2005az geroztik bisitak egiten dituzte Kolonbiara, eta delegazioek txostenak egiten dituzte, Asturiasko, Espainiako eta Europako parlamentuetan aurkezteko, bai eta kolektiboei eta erakundeei helarazteko ere.

Arrisku-egoeran dauden sektoreetatik etorritako kolonbiarrak ditu xede, hala nola sindikalistak, giza eskubideen defendatzaileak, bai eta nekazari-komunitateen, herri indigenen eta komunitate beltz edo afro-kolonbiarren buruak ere.

• Garapenerako Lankidetzarako Asturiasko Agentzia.
• Programaren koordinazioa: SOLDEPAZ PACHAKUTI.
• Laguntza-sarea: UGT, CCOO, Suatea, CSI, USO, ISF, Amnistia Internazionala, COSAL, Caritas, CSCA, Asamblea Moza, GGKEen Koordinakundea, Pachakuti.
• Hautapen-batzordea: Giza Eskubideen Defentsarako Batzorde Iraunkorra (CPDH), Preso Politikoekiko Elkartasunerako Fundazio Batzordea (FCSPP), Laguntza Solidarioa emateko Elkarte Nazionala (ANDAS), Kolonbiako Indigenen Erakunde Nazionala (ONIC), Nekazaritzako Koordinatzaile Nazionala (CNA), José Alvear Restrepo Abokatu Kolektiboa (CAJAR), Estatu Krimenen Biktimen Mugimendu Nazionala (MOVICE), Nekazaritzako eta Abeltzaintzako Federazio Sindikal Bateratua (Fensuagro) eta Langileen Zentral Unitarioko (CUT) Giza Eskubide sailak.

Hautagaiak aukeratzea: Kolonbiako batzorde batek aukeratzen ditu hautagaiak. Batzorde horretan bederatzi gizarte-erakundek parte hartzen dute, eta haietako batzuk aholku-emaile dira Nazio Batuen Erakundeko eta Amerikako Estatuen Erakundeko sistemetan: CPDH, FCSPP, Andas, ONIC, CNA, CAJAR, MOVICE, Fensuagro, eta CUTeko Giza Eskubide sailak. Erakunde horiek oinarrizko erakundeen proposamenak jasotzen dituzte, eta hautaketa bateratua egiten dute, aniztasuna aintzat hartuta.

Aldi baterako hartzea: Urtero bost defendatzaile hartzen dira sei hilabeterako. Pertsona horiek urtebeteko bizileku-baimena izaten dute, arrazoi humanitarioengatik. Programak hiru alderdi hauei erreparatzen die:

• Politikoa: elkartasun -espazioa sendotzea du helburu, aukera politikoak zabaltzeko, eta giza eskubideen urraketen berri emateko, salatzeko, gaitzesteko eta prebentzioan eragiteko.
• Pertsonala: arriskua murriztea eta biziraupena bermatzea, prestakuntza politiko eta intelektuala sendotzea; hartutako pertsonen egonkortasun emozionala bermatzea eta kultura-aukerak zabaltzea.
• Akademikoa: ikerketa-proiektuak diseinatzea, programaren esperientzia oinarri hartuta, proposamen berriak sortzeko, azterlanak argitaratzeko eta errefuxiatuentzako laguntza-politikak sustatzeko. Halaber, unibertsitateekin eta beste erakunde batzuekin ikerketa-sareak ezartzea Europan.

Defendatzaileek aurrez aurreko jardueretan parte hartzen dute Asturiasko gizartean; jarduera horietan, hartutako pertsonen eta Kolonbian dituzten erakundeen aurkezpena egiten da, eta haien testigantzak jasotzen dira. Orobat, topaketak egiten dira gizarte-erakundeen eta instituzioen segmentu oso zabal batekin, defendatzaileek dituzten arriskuei buruz jarduteko; elkarrizketak egiten zaizkie masa-komunikabideetan eta komunikabide alternatiboetan, eta sentsibilizazioa eta eragina areagotzeko aldizkako jardueretan parte hartzen dute.

Itzulera:: Kolonbiako giza eskubideen egoera egiaztatzeko ardura duten asturiar delegazioetan Asturiasko eta Espainiako estatuko hainbat gizarte-erakunde, erakunde politiko eta pertsona ospetsu daude. Monitorizazio-jarduerak egiten dituzte lekuan bertan, urtero txostenak idazteko, eta gero txosten horiek aurkezten dituzte iritzi publikoaren aurrean, bai eta Asturiasko eta Espainiako estatuko erakundeetan, Nazio Batuen Erakundean eta Europako Parlamentuan ere.

Jatorrizko herrialdean giza eskubideen aldeko jardueragatik bizia arriskuan duten defendatzaileei babes eta arreta integrala ematea, Katalunian aldi baterako hartuta, eta itzuleran laguntzea. Kataluniako erakundeek aurkeztutako hautagaiak, haien jatorrizko herrialdeetako erakundeek bermatuak, aztertzen dituzte, defendatzaileak hautatzeko.

Comissió Catalana d’Ajuda al Refugiat erakunde kolaboratzailea arduratzen da programaren kudeaketaz, eta Kataluniako gobernuko zenbait unitateren laguntza du.

• Jatorrizko herrialdeko erakundeak: defendatzailearen hautagaitza proposatu eta bermatzen duten jatorrizko herrialdeko erakundeak.
• Defendatzailearen hautagaitza aurkezten duten Kataluniako erakundeak.
• Erakunde Harremanetarako Zuzendaritza Nagusia eta Parlamentua, Memoriaren, Bakearen eta Giza Eskubideen Zuzendariordetza Nagusiaren bitartez.
• Garapenerako Lankidetzarako Kataluniako Agentzia.
• Berdintasun, Migrazio eta Herritartasun Idazkaritza.
• Comisión Catalana de Ayuda al Refugiado (programaren kudeaketarako erakunde laguntzailea).
• Sant Cugat del Valleseko Udala.
• Defendatzaileen hautagaitzak aurkezten dituzten Kataluniako erakundeak.

• Giza eskubideen defendatzaileak: atzerriko nazionalitatea duten pertsona fisikoak, gizarte-erakunde edo mugimendu sozial bati lotuak, jatorrizko herrialdean, iragaitzazkoan zein harrerakoan bizia edo osotasuna arriskuan dutenak, giza eskubideen aldeko jardueragatik.

Sei hilabeteko harrera Katalunian, eta jatorrizko herrialdera itzultzen laguntzea eta jarraipena egitea.

Defendatzaileei laguntza integrala ematea, honako arlo hauek barne hartuta:

• Arreta psikosoziala.
• Sentsibilizazioa eta eragin politikoa sustatzeko agenda.
• Prestakuntza-agenda.
• Itzuleran laguntzea eta jarraipena egitea.

Jatorrizko herrialdeko jarduerengatik bizia edo osotasun fisikoa arriskuan duten giza eskubideen defendatzaileei babesa ematea, Euskadin, abegi programa batean sei hilabete emanez.

Eusko Jaurlaritzaren mendeko Biktimen eta Giza Eskubideen Zuzendaritzak zuzentzen du programa, eta CEAR-Euskadik kudeatzen du.

• Eusko Jaurlaritzaren mendeko Biktimen eta Giza Eskubideen Zuzendaritza.
• Errefuxiatuei Laguntzeko Euskadiko Batzordea (CEAR-Euskadi)
• Laguntza-sarea: Euskadiko erakunde eskatzaileak.
• Hautapen-batzordea:
  a) Eusko Jaurlaritza: Biktimen eta Giza Eskubideen Zuzendaritza, Garapenerako Lankidetzaren Euskal Agentzia eta Kanpo Harremanak;
  b) beste erakunde batzuk: Hegoa Institutua (Euskal Herriko Unibertsitatea), Pedro Arrupe Giza Eskubideen Institutua (Deustuko Unibertsitatea), Euskadiko GGKEen Koordinakundea, eta Giza Eskubide eta Bake Hezkuntzaren Elkarteen Foroa.
• ANSUR kolektiboa.
• Defendatzaileen jatorrizko elkarteak
• Programaren bidez hartutako pertsonak
• Eusko Legebiltzarreko Giza Eskubideen Batzordea.

A. Hautagaien aurkezpena: Programak, urtero, hiru pertsona hartzen ditu Euskadin sei hilabetez. Eusko Jaurlaritzako Biktimen eta Giza Eskubideen Zuzendaritzak deialdi ofiziala argitaratutakoan, hautagaiak aurkezteko epea hasten da. Hautagaiak Euskadin egoitza duen giza eskubideen aldeko erakunde baten bidez aurkezten dira.

B. Hautagaiak aukeratzea: Hautagaien izenak jasotzeko epea amaituta, Eusko Jaurlaritzako Biktimen eta Giza Eskubideen Zuzendaritzak hautaketa-batzordea biltzen du, bidalitako eskabideetan eta agirietan oinarrituta erabaki ditzan zer hiru pertsona hartuko diren. Euskadin egoitza duten erakundeen artean, aukeratutako hautagaiak dituztenak Harrera Sarean sartuko dira, eta komunikazio-bide izango dira programaren koordinazioaren eta jatorriko erakundearen artean.

C. Jatorri-herrialdeetatik irtetea: Jatorriko erakundeek eta Harrera Sareak batera antolatzen.

D. Aldi baterako hartzea:Prozesu horren barruan laguntza psikosoziala eta lan politikoa daude, hartutako pertsonen eta haien erakunde, komunitate eta mugimenduen gizarte-sarea sendotzen laguntzearen ikuspuntutik. Honako hauek planteatzen dira:

• 1. Laguntza psikosoziala: Programa ikuspuntu psikosozialetik garatzen da. Babesaren ikuspegi osoa dauka, honako alderdi hauek aintzat hartuta: alderdi pertsonalak, antolaketari buruzkoak eta politikoak; indarkeria politikoaren ondorioz arreta berezia behar duten pertsonentzako laguntza psikoterapeutikoa; eta hartutako pertsonen zaintza, herrialdetik aldi baterako irten izanaren esperientzia gauzatzeari dagokionez.
• 2. Agenda politikoa: Euskadin dauden bitartean egiten duten lanaren xedea da pertsona horiek eta haien erakundeek laguntza politiko eta instituzionalaren esparruan dauzkaten nazioarteko sareak zabaltzea eta indartzea. Sare horiek, praktikan, babes-mekanismoak dira, eta jatorrizko herrialdeetan giza eskubideen alde lan egiten jarraitzea ahalbidetzen dute. Lan horri esker, bestalde, giza eskubideen alde lan egiten duten erakundeek pairatzen duten mehatxu-egoera azaltzen eta salatzen da euskal herritarren eta erakundeen aurrean (bai eta, hala egokituz gero, Espainiakoen eta Europakoen aurrean ere), eta haiek guztiak sentsibilizatu egiten dira.
• 3. Prestakuntza-agenda: 1. Interesen eta kezken arabera, giza eskubideen defentsa eta sustapenarekin zerikusia duten alderdietan espezializatutako prestakuntza antolatzen da. Programaren bidez hartzen diren pertsonek lan-ibilbide ezaguna dutenez, hizlari ere aritzen dira gune akademiko eta sozialetan.

E. Itzulera: Programaren une kritikoetako bat da, bereziki hartutako pertsonen segurtasunari dagokionez. Horregatik, elkarren osagarri diren zenbait gauza egin behar dira:

• Amaierako testuinguru-azterketa, erakundeek jatorrizko herrialdean egindako etengabeko jarraipenaren ondorio.
• Ekintza-planak diseinatzea lurraldeetara itzultzeari begira.
• Esperientzia amaitzea eta ebaluatzea.
• Euskal ordezkaritza baten bisita jatorrizko herrialdera, hartutako defendatzaileak hara itzuli ondoren.