Erakundeak
Elkarte eta Plataforma zerrenda
Atari honetan giza eskubideen defendatzaileen alde lan egiten duten elkarte eta plataformaren inguruko informazioa aurkituko duzu.
Agir Ensemble pour les Droits de l’Homme (AEDH)
Amnistía Internacional
ANSUR Kolektiboa
Asian Forum for Human Rights and Development (FORUM ASIA)
Association for Women's Rights in Development (AWID)
Exil Elkartea
Christian Peacemaker Teams
Coalition of African Lesbians (CAL)
Defenred
DefendDefenders - East & Horn of Africa Human Rights Defenders Project (EHAHRDP)
Dignity For All: LGBTI Assistance Program
Euro-Mediterranean Foundation of Support to Human Rights Defenders
Federación Internacional de Derechos Humanos
Urgent Action Fund for women´s human rights – América Latina y El Caribe
FOR Peace Presence
Front Line Defenders
Hamburg Foundation for Politically Persecuted People
Iniciativa Mesoamericana de Mujeres Defensoras de Derechos Humanos
International Action for Peace
JASS- Asociadas por lo Justo
Movimiento Sueco por la Reconciliación (SweFOR)
Nazioarteko Bake Brigadak
Observatorio Internacional de la Abogacía en Riesgo
Organización Mundial contra la Tortura (OMCT)
Operazione Colomba
Peace Watch Switzerland
Pen International
Protectdefenders.eu
Protection International
Proyecto de Acompañamiento Internacional en Honduras
Red Internacional para los Derechos Económicos, Sociales y Culturales (Red DESC)
Reporteros sin Fronteras
Somos Defensores Programa
Unidad de Protección a Defensoras y Defensores de Derechos Humanos - Guatemala (UDEFEGUA)
Urgent Action Fund for women´s human rights - Africa
Urgent Action Fund for women´s human rights – Asia and Pacific
Urgent Action Fund for women´s human rights – San Francisco
Women Human Rights Defenders International Coalition
Amnistía Internacional
Mundu osoan giza eskubideen defentsan diharduen erakundea da. Lan hauek guztiak uztartzen ditu: giza eskubideen aurkako abusuei buruzko ikerketak, erakundeekin hitz egitea eta presioa eragitea, mobilizazioak, komunikazio publikoa, eta aktibistei laguntza ematea bidegabekeriak gertatzen diren tokian bertan.
Harremanetan jartzeko:
Bere lan-estrategien artean, giza eskubideen defentsan diharduten pertsonen kontrako erasoak dokumentatzen ditu Amnistía Internacionalek, bai eta kolektibo hori isilarazteko gobernuek erabiltzen dituzten errepresio-taktikak ere.
Giza eskubideen defentsan diharduten pertsonei buruzko lan-ildoaz informazio gehiago: https://www.es.amnesty.org/en-que-estamos/campanas/valiente/
Eskaera urgenteak
Pertsona bat edo gehiago arrisku-egoera larrian daudela jakin bezain laster, hamarka mila lagunez osatutako sare bat aktibatzen du Amnistía Internacionalek mundu osoan, eta, hala, presioa eragiteko duten ahalmena batzen dute horiek guztiek, gutunak, faxak eta posta elektronikoko mezuak bidalita.
Eskaera urgenteei buruzko informazio gehiago hemen.
Agir Ensemble pour les Droits de l’Homme (AEDH)
Mundu guztian oinarrizko eskubide eta askatasunak defendatzea eta sustatzea helburu duen gobernuz kanpoko erakundea.
Non dihardute?
Afrika, Latinoamerika, Asia eta Ekialde Ertaina.
Harremanetan jartzeko::
Larrialdietako funtsa
Defendatzaileak babesteko larrialdietako funts bat dauka, mehatxatuta sentitzen direnean haien laguntza-eskaerari berehala erantzun ahal izateko.
Esku hartzeko metodoak askotarikoak dira, tokiko testuinguruaren, arrisku-mailaren eta kaltetuek egindako eskaeren arabera. Esate baterako, honako hauek izan daitezke:
- Hasierako laguntza atxiloketa arbitrarioa, bahiketa edo homizidioa pairatzeko mehatxua duten defendatzaileentzat, jatorrizko herrialdetik edo eskualdetik berehala ihes egin behar badute.
- Arrisku-eremutik ihes egin duten defendatzaileentzako gizarte-laguntza eta harrerako herrialdean edo eskualdean kokatzeko laguntza.
- Laguntza juridikoa, batez ere atxiloketa arbitrarioen kasuan.
- Laguntza medikoa, indarkeria, tratu txar edo torturen kasuan.
- Mehatxuaren ardura duten agintarien aurrean defendatzailearen segurtasuna bermatzea sustatzeko esku hartzea.
ANSUR Kolektiboa
Pertsonen eta komunitateen oinarrizko eskubideak urratzen dituzten baldintza sozial, ekonomiko eta politikoen eraldaketarako ekarpena egin nahi duen lantaldea, biktimen erakundeei, GKEei, eta giza eskubideen alde eta bakea eraikitzen diharduten gizarte-erakundeei laguntza emanez.
Non egiten dute lan?
Kolonbia, Espainia, Honduras, Mexiko, Paraguai.
Harremanetan jartzeko:
Babesaren arloko prestakuntzan espezializatutako erakundea. Prestakuntzak barne hartzen ditu arlo hauek: laguntza psikosoziala, antolaketa sendotzea, protokoloak eta segurtasuna, sareak eta eragina.
Exil Elkartea
Giza eskubideen askotariko urraketen ondorioz traumak dituzten pertsonei laguntza terapeutikoa, medikoa eta psikosoziala ematea xede nagusi duen gobernuz kanpoko erakundea. Gerra, jazarpena, kartzela, indarkeria eta tortura pairatu dituzten biktima exiliatuekin lan egiten du.
Non egiten du lan?
Espainiako estatua.
Harremanetan jartzeko: :
Laguntza psikosoziala
Zerbitzu espezializatu integrala ematen die torturen biktima izan diren pertsonei (giza eskubideen defendatzaileak barnean hartuta) eta haien familiakoei, arreta psikologikoa, psikiatrikoa eta soziala emanez.
Association for Women's Rights in Development (AWID)
Genero-berdintasuna, garapen iraunkorra eta mundu guztiko emakumeen giza eskubideak sustatzeko lan egiten duen nazioarteko erakunde feminista.
Non dihardute?
Nazioartean.
Harremanetan jartzeko:
Urgentziazko erantzunak eta laguntza-sareak:
Defendatzaileak programaren bidez, nazioarteko eta eskualdeko kideekin lankidetzan dihardu, bai eta AWIDeko afiliatuekin ere, arriskuei buruzko kontzientzia sortzeko, babeserako eta segurtasunerako neurri feminista eta integralak bultzatzeko, eta norberaren zaintzan eta ongizate kolektiboan oinarritutako kultura aktiboki sustatzeko.
Defendatzaileentzat, haien familientzat eta komunitateentzat mundu seguruagoa eraikitzen laguntzea helburu hartuta, jarduera hauetan dihardute:
- Nazioarteko lankidetza sustatzen dute giza eskubideen aldeko erakundeen eta emakumeen eskubideen aldeko erakundeen artean, erantzuteko gaitasuna sendotze aldera, defendatzaileen segurtasunari eta ongizateari erreparatuta.
- Defendatzaileen eskualdeko sareak bultzatzen dituzte, babeserako ekintza kolektiboa sendotzen dute, elkartasun eta babes-sareak ezartzearen garrantzia azpimarratzen dute, norberaren zaintza sustatzen dute, eta defendatzaileen segurtasunean eragiteko mobilizazioen alde egiten dute.
- Defendatzaileen eta haien borroken ikusgarritasuna eta aintzatespena areagotzen dute, bai eta aurre egin beharreko arriskuena ere. Horretarako, defendatzaileek pairatzen dituzten erasoei buruzko dokumentazioa biltzen dute, eta haien borroka, estrategia eta erronkei buruz ikertu, informazioa landu eta hedatzen dute.
- Arriskuan dauden defendatzaileentzako nazioarteko urgentziazko elkartasun-erantzunak mobilizatzen dituzte.
Christian Peacemaker Teams
Gatazka-eremuetan bakea defendatzen duten taldeei laguntzea helburu duen nazioarteko kristau-erakundea, gerra-egoerak eta okupazio militarrak eraldatzeko asmo sendoa duena.
Non dihardute?
Modu iraunkorrean Kolonbian, Iraken, Ipar Amerikan (justizia indigena) eta Palestinan.
Aldi baterako proiektuak hainbat tokitan, hala nola: Kongoko Errepublika Demokratikoa, Ameriketako Estatu Batuen eta Mexikoren arteko muga, eta Kanada.
Harremanetan jartzeko:
Nazioartean laguntzea
Gatazkaren eraginpean dauden eremuetako komunitate mehatxatuei nazioartean laguntzen diete. Boluntarioen ordezkaritzak bidaltzen ditu lan egiten duen herrialdeetara, giza eskubideen urraketei aurre egiteko, eta indarkeria-eza aktiboa sustatzeko, gatazkak konpontzeko modua den aldetik.
Coalition of African Lesbians (CAL)
Afrikako hamaika herrialdetako hainbat erakundek osatutako koalizioa, Afrika osoan lesbianen berdintasunaren alde egiten duen gobernuz kanpoko lehen erakundea dena. Kontinente osoan lesbianen eta homosexualen aurkako indarkeria-giroari erantzute aldera, CAL koalizioak Giza Eskubideen eta Herrien Eskubideen Afrikako Batzordearen barruan lan egin du, erretorika eta politika homofoboari aurre egiteko, eta LGBT eskubideak Afrikako giza eskubideen plataforman sartzeko.
Harremanetan jartzeko:
Laguntza psikosoziala
Emakume defendatzaileei buruzko programa bat dauka, norberaren zaintzan eta defendatzaileen ongizate fisiko eta sozialean oinarritzen dena. Arriskuaren detekzio goiztiarrerako sistema bat proposatzen dute: defendatzaileek norberaren osasunaren eta ongizate fisiko eta emozionalaren kontzientzia handiagoa hartzen ikasten dute, eta horren ardura ere hartzen dute. Halaber, arlo horretan dituzten beharrak detektatzen eta azaltzen ikasten dute. Programan arnasaldi bat hartzeko edo ikasketak egiteko aukera ematen zaie, irizpide jakin batzuen arabera.
Defenred
Giza eskubideen defendatzaileek norberaren burua zaintzeari arreta emateko programa. Horretarako, arnasaldiak hartzeko etxe bat du (Casa de Respiro). Hasierako hipotesia hau da: Aktibistek arnasaldi bat hartzen badute, norberaren zaintzari arreta osoa emateko, norberaren egoeraz ohartzeko eta giza eskubideen aldeko eguneroko lanak norberaren bizitzan duen eraginaz jabetzeko, ongizatea hobetzea bideratuko duten aldaketak egiteko aukerak handitzen dituzte, eta defendatzaile-eginkizunetan jarraitzeko modua izango dute, osasun hobea lagun dutela.
Hipotesi hori oinarri hartuta, helburu hau dute: giza eskubideen aldeko lanean norberaren zaintza tresna politikotzat hartzearen premiaz ohartzea (giza eskubideen defendatzaileen artean, haien erakundeetan eta gizartean, oro har).
Non egiten dute lan?
Casa de Respiro landako udalerri txiki batean dago, Madrildik gertu. Munduko edozein tokitako defendatzaileekin lan egiten dute, gaztelaniaz edo ingelesez hitz egiteko gai badira.
Harremanetan jartzeko:
Laguntza psikosoziala
Defendatzaileei atsedenaldi bat hartzeko aukera ematen die, giza eskubideen aldeko eguneroko lanari aurre egiteko hartzen dituzten autozainketa-neurrien berrikuspen pertsonal bat egin dezaten, ongizate fisiko eta psikologikoa babeste aldera.
Zer nahi dute?
- Defendatzaileen osasun-egoera integralaren berrikuspen orokor bat egitea, eguneroko aktibismoak haiengan duen eragina identifikatzeko.
- Giza eskubideen defendatzaileen eguneroko lanean autozainketa-premiak sartzea.
- Autozainketa-tresnen sorta bat prestatzea, jatorrizko herrialdera itzultzen direnean praktikan jartzeko.
Nola egiten dute?
- Defendatzailearen 4-6 aste inguruko egonaldia arnasaldiak hartzeko etxean (Casa de Respiro).
- Egonaldian askotariko laguntza profesionalak ematen dituzte (psikologikoak, fisikoak eta medikoak), bai eta aisialdirako laguntza eta lana ere. Sostengu horiek osasun-egoeraren berrikuspena egiteko lagungarriak izango dira, eta lanera itzultzean autozainketa-ildoak zehazteko balioko dute.
Solidaritatearen balio terapeutikoa funtsezkoa da haien proiektuan. Defendatzaileak maitasunez eta solidaritatez hartzen diren heinean, haien berroneratzea positiboagoa izango da, eta beren buruan eta giza eskubideen aldeko lanean duten konfiantza sendotuko da.
Dignity For All: LGBTI Assistance Program
LGTBI eta giza eskubideen aldeko 8 erakundek osatutako nazioarteko partzuergo batek sustatutako programa, arriskuan dauden LGTBI erakunde eta aktibistei larrialdiko laguntza ekonomikoa ematen diena, lanean jarraitzeko edo lanari berriro heltzeko.
Contacto:
Larrialdiko diru-laguntzak
Larrialdiko diru-laguntza txiki batzuk ematen ditu, epe laburrera, hainbat gastutarako: gastu medikoak, ordezkaritza juridikoa, bisitak espetxera, epaiketen monitorizazioa, birkokatzea, mendekotasun-laguntzak, segurtasuna, ekipoen ordezkapena eta premiazko beste gastu batzuk larrialdiarekin lotuta baldin badaude.
Larrialdiko laguntzak epe jakin bat dauka, eta mehatxu urgenteei erantzuteko soilik ematen da. Aktibistek edo gizarte zibileko erakundeek zuzenean egin ditzakete eskaerak. Laguntza eskatzea eragin duen egoerari buruzko informazio xehatua ematea aholkatzen dute.
DEFENDDEFENDERS – East & Horn of Africa Human Rights Defenders Project (EHAHRDP)
Eskualde osoko giza eskubideen defendatzaileen lana sendotzea du helburu, jazarpen-arriskuaren aurrean duten ahulezia murriztuz eta giza eskubideak eraginkortasunez defendatzeko duten gaitasuna hobetuz.
Non dihardute?
Burundi, Djibuti, Eritrea, Etiopia, Kenya, Ruanda, Somalia, Sudan, Hego Sudan, Tanzania eta Uganda.
Línea de emergencia 24 horas:
Harremanetan jartzeko:
Laguntza mediko eta psikosoziala
Traumen ondorioz tratamendua behar duten defendatzaileei sostengua emateko sareko kideekin lan egiten du. Kasu batzuetan psikologo pribatuak kontratatzen dira, behar den tratamendua emateko.
Lege-laguntza
Lege-aholkularitza eta sostengua ematen die premian dauden defendatzaileei.
Epaiketen behaketa
Defendatzaileen epaiketak behatzeko misioak egiten ditu, eta bidezko epaiketa bideratzeko nazioarteko bermeak betetzen direla zaintzen du.
Eskaera urgenteak
Defendatzaileek erasoak pairatuz gero eskaerak egiten ditu eta gutunak bidaltzen dizkie agintari nazionalei. Eskaerak proiektuaren web-orrian daude.
Solidaritate-bisitak eta ikuskapena
Arriskuan dauden defendatzaileen etengabeko monitorizazioaz arduratzen da.
EURO-MEDITERRANEAN FOUNDATION OF SUPPORT TO HUMAN RIGHTS DEFENDERS
Mediterraneo hegoaldean giza eskubideen kultura sustatzea eta hobetzea du helburu, bai eta gizarte zibila sendotzea ere. Horretarako, laguntza finantzario estrategikoa eta sostengua ematen die tokiko, eskualdeko eta nazioko giza eskubideen aldeko institutuei eta GKEei, bai eta eskualdean giza eskubideak sustatzeko, babesteko, sostengatzeko eta ikuskatzeko lanetan diharduten pertsonei ere.
Harremanetan jartzeko:
Larrialdiko diru-laguntzak
Larrialdiko diru-laguntzak ematen dizkie eskualdean egiten dituzten jarduerengatik arrisku-egoeran dauden giza eskubideen defendatzaileei.
Laguntza eskatzeko, arabieraz, ingelesez edo frantsesez idatzitako eskaera aurkeztu behar da, honako informazio hau adierazita: arriskuaren testuingurua, eskatutako finantzazioaren zenbatekoa, estali behar diren premien deskribapena eta aurrekontua, eta defendatzailearen eskaera babestuko duten giza eskubideen erakundeak.
Idazkaritzak eskaera prozesatzeko behar den informazioa eskuratu eta egoeraren urgentzia erabaki ostean, 10 eguneko epean erantzuna emango zaio eskaerari.
Eskaera Word formatuan bidali behar da (web-orrian application form eredua dago) helbide elektroniko honetara: grants@emhrf.org
Federación Internacional de Derechos Humanos
112 herrialdetako 184 nazio-erakunde biltzen dituen giza eskubideen aldeko nazioarteko gobernuz kanpoko erakundea. Eskubide zibil, politiko, ekonomiko, sozial eta kultural guztiak defendatzeko konpromisoa hartu du bere gain, Giza Eskubideen Adierazpen Unibertsalean definitutakoaren arabera.
Federazioaren ekintzak hiru orientazio estrategiko hauetan oinarritzen dira: giza eskubideen defendatzaileen ekintza-askatasunaren defentsa, eskubideen unibertsalitatearen defentsa, eta haien eraginkortasunaren aldeko borroka.
1997an Giza Eskubideen Defendatzaileak Babesteko Behatokia sortu zuen, Torturaren Aurkako Mundu Erakundearen elkartuta.
Non dihardute?
Nazioartean.
Harremanetan jartzeko:
Laguntza mediko eta psikosoziala
Lege-laguntza
Behatokiak lege-laguntza ematen die giza eskubideen defendatzaileei, jazarpen judizialaren biktima diren defendatzaileen lege-kostuak eta abokatu baten izendapena barnean hartuta.
Epaiketen behaketa
Epaiketak behatzeko misioak burutzen ditu.
Eskaera urgenteak
Arriskuan dauden defendatzaileei buruzko eskaera urgenteak kontuan hartzen dituen alerta-mekanismo bat ezarri du. Kasu bakoitzari buruzko informazioa ematen du, herrialdeko agintariek egin beharko lituzketen ekintzak adierazten ditu, eta helbideak ematen ditu, pertsonek eta erakundeek salaketan parte har dezaten.
Larrialdiko diru-laguntzak
Larrialdiko diru-laguntzak ematen dizkie arrisku-egoeran dauden giza eskubideen defendatzaileei. Onar daitezkeen gastuen artean honako hauek sartzen dira: segurtasun fisikoa, segurtasun digitala, komunikazio-gastuak, segurtasun-arloko gaitasunak sendotzea, garraio segurua, lege-laguntza, laguntza medikoa (laguntza psikosoziala eta errehabilitazioa barnean hartuta), laguntza humanitarioa (familia-laguntza barnean hartuta), birkokatze urgentea, dokumentazioa eta abokatuak.
Solidaritate-bisitak eta ikuskapena
Solidaritate-misioak eta datu-bilketak egiten ditu, helburu hauek kontuan hartuta:
- Egoera zailetan defendatzaileei laguntza ematea.
- Jarduerak gauzatzeko sostengua ematea
- Defendatzaileak gobernu arteko, nazioarteko eta eskualdeko erakundeen ordezkariekin harremanetan jartzea, bai eta atzerriko agintariekin ere, eragin-jarduerak sustatze aldera.
- Nazioarteko komunikabideak defendatzaileen egoeraz ohartaraztea, eta giza eskubideek herrialdean duten egoeraren berri ematea.
Urgent Action Fund for women´s human rights - Africa
Urgentziazko Ekintza Funtsa da arrisku-egoeran dauden eta giza eskubideen defendatzaile diren emakumeak eta pertsona transgeneroak sostengatzen dituen funts feminista. Mundu osoan giza eskubideen defendatzaile diren emakumeak sostengatzen dituzten lau funts autonomo hauek nazioarteko aliantza bat osatzen dute:
Non egiten du lan?
Afrika.
Harremanetan jartzeko:
Urgentziazko Ekintza Funtsa – Afrika erakundeak emakumeen lidergoa sendotzeko konpromisoa hartu du bere gain, justizia eta ekitatea ekartze aldera, eta gatazkarik gabeko gizartea sortzen laguntzen du. Gainerako funtsekin solidaritatez, Afrikako funtsak ahaleginak bideratu ditu gatazka armatuak, indarkeria gero eta handiagoa, errepresio izugarria eta egoera politiko ezegonkorrak dauden eremuetara. Horrez gainera, Afrikako testuinguruan emakume aktibisten eskubideak sostengatzen dituzten ekimenak garatzen ditu funts honek.
Larrialdiko diru-laguntzak
Egiten duten lanagatik arrisku egoeran dauden emakume aktibistentzat eta emakumeen eskubideen aldeko erakundeentzat larrialdiko diru-laguntzak ematen dira funts honen bidez. Larrialdiko diru-laguntza bat eskatzeko, formularioa deskarga daiteke webgune honetan: https://www.uaf-africa.org/what-we-do/rapid-response-grantmaking/
Urgent Action Fund for women´s human rights – Asia and Pacific
Urgentziazko Ekintza Funtsa da . Arrisku-egoeran dauden eta giza eskubideen defendatzaile diren emakumeak eta pertsona transgeneroak sostengatzen dituen funts feminista.
Emakumeen eta LGTBI aktibisten erresilientzia sustatzen du, hiru estrategia hauen bidez:
- Larrialdiko diru-laguntzak
- Eragina eta aliantzak eraikitzea, emakume eta pertsona transgenero aktibisten eskubideak defendatze aldera.
- Urgentziazko ekintzarako funts global bat sortzea, emakumeen eta pertsona transgeneroen aktibismo globala sostengatzeko.
Non egiten du lan?
Asia eta Pazifikoa
Harremanetan jartzeko:
Larrialdiko diru-laguntzak
Giza eskubideak defendatzen dituzten eta jarduera horregatik arrisku-egoeran dauden emakume, lesbiana eta pertsona transgeneroak babesteko diru-laguntzak ematen ditu. Diru-laguntzak behar hauei erantzuteko dira: segurtasun-neurriak, lege-laguntza, arriskuaren ebaluazioa, segurtasun-ekipoak, laguntza psikologikoa, trauma osteko tratamendua, laguntza medikoa...
Formulario bat bete behar da eta helbide elektroniko honetara bidali: grants@uafanp.org
Urgent Action Fund for women´s human rights – San Francisco
Mundu osoan giza eskubideen defendatzaile diren emakumeak sostengatzen dituzten beste hiru funts autonomorekin batera nazioarteko aliantza bat osatzen du. Honako hauek dira:
- Urgentziazko Ekintza Funtsa – Afrika
- Urgentziazko Ekintza Funtsa – Asia
- Urgentziazko Ekintza Funtsa – Latinoamerika
- Urgentziazko Ekintza Funtsa – San Frantzisko
Urgentziazko Ekintza Funtsa da. Arrisku-egoeran dauden eta giza eskubideen defendatzaile diren emakumeak eta pertsona transgeneroak sostengatzen dituen funts feminista. Emakumeen eta LGTBI aktibisten erresilientzia sustatzen du, hiru estrategia hauen bidez:
- Larrialdiko diru-laguntzak
- Eragina eta aliantzak eraikitzea, emakume eta pertsona transgenero aktibisten eskubideak defendatze aldera.
- Urgentziazko ekintzarako funts global bat sortzea, emakumeen eta pertsona transgeneroen aktibismo globala sostengatzeko.
Non egiten dute lan?
Ekialde Ertaina, Europa, Ipar Amerika eta Karibe anglo-frankofonoa.
Harremanetan jartzeko:
Larrialdiko diru-laguntzak
Giza eskubideak defendatzen dituzten eta jarduera horregatik arrisku-egoeran dauden emakume, lesbiana eta pertsona transgeneroak babesteko diru-laguntza sorta dauka.
Urte guztian eska daitezke diru-laguntzak, eta 8.000 dolar finantzatzen ditu, gehienez.
Urgent Action Fund for women´s human rights – América Latina y El Caribe
Mundu osoan giza eskubideen defendatzaile diren emakumeak sostengatzen dituzten lau funts autonomo hauek nazioarteko aliantza bat osatzen dute:
- Urgentziazko Ekintza Funtsa – Afrika
- Urgentziazko Ekintza Funtsa – Asia
- Urgentziazko Ekintza Funtsa – Latinoamerika
- Urgentziazko Ekintza Funtsa – San Frantzisko
Latinoamerikako Urgentziazko Ekintza Funtsa gizarte zibileko erakunde feminista da, Amerikako herrialde guztietan emakumeen giza eskubideak eta haien erakundeak sustatu eta defendatzen dituena, Bogotako eskualde-bulegotik (Kolonbia).
Harremanetan jartzeko:
Larrialdiko diru-laguntzak
Giza eskubideak defendatzen dituzten eta jarduera horregatik arrisku-egoeran dauden emakume, lesbiana eta pertsona transgeneroak babesteko diru-laguntza sorta dauka. Laguntza horiek hiru hilabetez ematen dituzte, gehienez, eta 5.000 dolar izan daitezke, guztira.
Diru-laguntza horiek eska daitezke erakundearen web-orrian
For Peace Presence
Kolonbian giza eskubideak, bakea eta justizia sustatzen duten eta arrisku-egoeran dauden komunitate eta pertsonei nazioartean laguntzen diharduen gobernuz kanpoko erakundea.
Non dihardute
Kolonbia
Harremanetan jartzeko:
Nazioartean laguntzea
Laguntzearen bidez, segurtasun fisikoa, ikusgarritasun politikoa eta elkartasuna ematen die bizia, lurra eta duintasuna defendatzeko indarkeria-eza aktiboari atxikitako komunitate eta erakundeei.
Kolonbian ematen duten laguntzak ardatz hauek ditu:
- Presentzia fisikoa
- Laguntza politikoa
- Lagundutako pertsonak motibatzea eta sostengua ematea
- Mugimenduak, harremanak eta sareak sortzea
Asian Forum for Human Rights and Development (FORUM ASIA)
Asian giza eskubideak defendatzen dituzten erakunde eta pertsonen arteko lankidetzaren bidez giza eskubideak sustatzeko eta babesteko lan egiten duen foroa. 19 herrialdetako 58 kidek osatutako sarea da, gizarte baketsua, justua, bidezkoa eta ekologiaren aldetik iraunkorra eraikitzeko konpromisoa bere gain hartu duena.
Non dihardute?
Afganistan, Bangladesh, Bhutan, Brunei, Kanbodia, Txina, Ipar Korea, Hego Korea, Filipinak, Hong Kong, India, Indonesia, Malvinak, Japonia, Malaysia, Myanmar, Mongolia, Nepal, Pakistan, Papua Ginea Berria, Sri Lanka, Taiwan, Thailandia, Ekialdeko Timor eta Vietnam.
Harremanetan jartzeko:
Lege-laguntza
Giza eskubideen defendatzaileei lege-ordainsariak estaltzeko laguntza ekonomikoa ematen die. Laguntza horiek eskuratzeko, defendatzaileak FORUM ASIA sareko kideak izan behar dute, edo sare horrekin lan egin behar dute giza eskubideen arloan.
Epaiketen behaketa
Epaiketak behatzeko misioak egiten ditu gobernuetako edo gobernuz kanpoko auzi-jartzaileek akusatutako defendatzaileei sostengua emateko. Behatzaileak sareko kideak dira eta esperientzia handia dute giza eskubideen arloko kasuen monitorizazioan.
Larrialdiko diru-laguntzak
Arriskuan dauden giza eskubideen defendatzaileak birkokatzeko laguntza ekonomikoa ematen du, birkokatu aurretik eskura zituzten baliabide eta babes-neurri guztiak agortuz gero. Laguntza horren bidez, defendatzaileari sei hilabeteko sostengua ematen zaio, gehienez, FORUM ASIAko kide den erakunde baten barruan.
Front Line Defenders
Arriskuan dauden defendatzaileak babestea du helburu, eta pertsona horietako bakoitzak identifikatutako babes-premiei erantzuten die.
Zer herrialdetan egiten du lan?
Herrialde guztietan; bereziki, giza eskubideen defendatzaileek arrisku handiak dituzten herrialdeetan.
Harremanetan jartzeko:
Larrialdietako telefonoa
+353-1-210-0489
Lege-laguntza
Segurtasunerako diru-laguntzen programaren bidez, laguntza ekonomikoa ematen du hainbat gastu ordaintzeko: abokatuen ordainsariak, fidantzak, bisitak espetxera eta arropa.
Laguntza mediko eta psikosoziala
Segurtasunerako diru-laguntzen programaren bidez, laguntza ekonomikoa ematen die zerbitzu mediko eta psikologikoak behar dituzten defendatzaileei.
Epaiketen behaketa
Epaiketak behatzeko misioak egiten ditu. Defendatzaileek epaiketa bati aurre egin behar badiote, ahaleginak egiten ditu, nazioarteko behatzaileak egon daitezen. Zenbait kasutan, behatzaile independente bat bidaltzen du, ordezkari gisa.
Eskaera urgenteak
Arriskuan dauden defendatzaileei buruzko eskaera urgenteak kontuan hartzen dituen alerta-mekanismo bat dauka. Eredu gisa erabil daitezkeen galdetegiak eta herrialdeko agintarien helbideak ematen ditu, pertsonek edo erakundeek salaketa-ekintzak egin ditzaten.
Hamburg Foundation for Politically Persecuted People
Arrisku-egoeran eta jatorrizko herrialdean mehatxatuta dauden giza eskubideen defendatzaileei sostengua ematen dien fundazioa.
Harremanetan jartzeko:
Jazarpen politikoa pairatzen duten pertsonak gonbidatzen dituzte, eta urtebetez integratzen dituzte Alemaniako eta nazioarteko eragile politikoek, komunikabideek eta gizarte zibilak osatutako sare batean. Lagundutako pertsonekin lankidetzan, ekitaldi kultural eta politikoak antolatzen dituzte, jazarpen politikoa pairatzen duten pertsonen etorkizunari buruzko informazioa hedatzen dute, giza eskubideen aldeko erakunde nazional eta nazioartekoekin lankidetzan dihardute, eta preso politikoen aldeko eskaera-kanpainak hasi eta babesten dituzte.
Eskuarki, erakunde hauek gomendatzen dituzte hautagaiak: Europako Segurtasun eta Lankidetzako Antolakundea (ESLA), PEN zentroa, Amnistia Internazionala, Alemaniako eta atzerriko misio diplomatikoak, Reporteros sin Fronteras, Kazetariak Kazetariei Laguntzen, Hamburg Press fundazioa, atzerrian ordezkariak dituzten fundazio politikoak…
Fundazioak gonbidatutako pertsonak hainbat herrialdetatik etorritakoak dira: Aljeria, Tunisia, Nigeria, Burundi, Kamerun, Irak, Iran, Afganistan, Bangladesh, Tajikistan, Kirgizistan, Mexiko, Kolonbia…
Iniciativa Mesoamericana de Mujeres Defensoras de Derechos Humanos (IM-Defensoras)
2010ean sortu zen ekimena, Erdialdeko Amerikan defendatzaileen aurkako indarkeria eta erasoek gora egin ostean, arriskuan zeuden emakume defendatzaileak babesa lortzeko aukera eraginkorrak faltan zituztela ikusita.
Erakunde hauek egindako aliantza baten bidez sortu zen: JASS – Erdialdeko Amerika, Mexikoko Oaxaka partzuergoa (Consorcio para el Diálogo Parlamentario y la Equidad), Guatemalako giza eskubideen defendatzaileak babesteko batasuna (Unidad de Protección de Defensoras y Defensores de Derechos Humanos), El Salvadorreko tokiko garapenerako kolektibo feminista (Colectiva Feminista para el Desarrollo Local), AWID – Emakumeen Eskubideen eta Garapenaren aldeko Elkartea eta Nikaraguako FCAM (Fondo Centroamericano de las Mujeres). Helburua zen defendatzaileak babes- eta elkartasun-sareetan sartzea, giza eskubideen alde egiten duten lanaren ikusgarritasuna, aintzatespena eta inpaktua areagotzeko, eta eraso-arriskuak murrizteko.
Gaur egun IM-Defensoras ekimenean parte hartzen dute, halaber, Hondurasen, Mexikon, Guatemalan, El Salvadorren eta Nikaraguan sustatutako egitura nazionalek. Erakunde horiek, guztira, giza eskubideen 837 defendatzailetik gora biltzen dituzte.
Non dihardute?
El Salvador, Guatemala, Honduras, Mexiko eta Nikaragua.
Harremanetan jartzeko:
comunicacion.imdefensoras@gmail.com
IM-Defensoras ekimenak babes integral feministarako alternatibak diseinatzen ditu, defendatzaileek indarkeriari aurre egiteko. Izan ere, indarkeria pairatzen dute, alde batetik, egiten duten lanagatik, eta bestetik, emakumeen aurkako diskriminazio-testuingurua nagusi delako eskualdean. Diseinatutako alternatibak lagungarriak dira berdintasunean eta ongizatean lanean jarraitzeko.
Laguntza psikosoziala
Hainbat laguntza garatzen ditu: segurtasun-estrategiak, autozainketa, salaketa, kasuei arreta ematea eta laguntzea, gaitasunak sendotzea, dokumentazioa eta salaketa publikoa, lan kolektibo baten esparruan. Autozainketa-estrategia bat garatzen dute, arlo hauek aintzat hartuta: gaitasunen indartze kolektiboa, aholkularitza eta kasuak laguntzea, eta kultura berri bat sortzea, aktibismo iraunkorraren alde egitea helburu hartuta, emakume defendatzaileek ongizate eta lan-baldintza minimo batzuk izan ditzaten, giza eskubideen alde egiten duten ekarpena sendotzeko.
Hiru harrera-etxe dituzte El Salvadorren, Guatemalan eta Mexikon, berehalako arriskuei aurre egin behar dieten emakume defendatzaileentzat, eta La Serena, arnasaldia hartzeko osasun-etxea, Mexikon, indarrak galduta eta erreta dauden emakume defendatzaileentzat. Etxe horiek guztiak Erdialdeko Amerikako edozein tokitako emakume defendatzaileak hartzeko prest daude; eta, behar izanez gero, haien familiak ere har ditzakete.
Eskaera urgenteak
Etengabeko salaketa-kanpainak eta nazioarteko komunikazioak egiten ditu, eta horiek guztiak lagungarriak izan dira iritzi publikoa emakume defendatzaileen alde jartzeko, eta haien lanaz eta babes-premiaz ohartzeko. Arriskuan dauden emakume defendatzaileen aldeko ekintza urgente eta solidarioak defendatzaileak ahalduntzeko estrategiak dira, eta herrialde bakoitzaren testuinguruan indarkeria geldiaraztea eragin dezaketen neurri baliagarriak dira.
Erdialdeko Amerikako emakume defendatzaileen aurkako erasoak monitorizatzeko eskualdeko sistema bat sortu da. Bost herrialdetan egindako erasoak erregistratzen ditu, eta erasoen, inpaktuen eta babes-premien azterketa historikoa eta konparatiboa egitea bideratzen du, genero ikuspegia aintzat hartuta. Sistemak ematen duen informazioari esker, txosten espezializatuak argitaratu dira, eta txosten horiek aipatu eta erabili dira Giza Eskubideen Batzorde Interamerikarraren entzunaldietan, txostenetan eta eskualdera egindako bisitaldietan. NBEren Giza Eskubideen Kontseiluak ere erabili ditu, bai eta giza eskubideen aldeko nazioarteko erakundeek ere.
Larrialdiko diru-laguntzak
Segurtasun- eta autozainketa-premiei erantzun azkarra emateko funtsak sortu eta emateak, genero-premiak aintzat hartuta, hobetu du 2.251 defendatzaileren, 400 familia baino gehiagoren eta 500 erakunde ingururen segurtasuna eta ongizatea.
International Action for Peace
Kolonbian giza eskubideak eta bakearen kultura eraikitzea defendatzen duen erakundea, nazioarteko laguntza eta garapenerako hezkuntza bitarteko hartuta.
Non dihardute?
Kolonbia
Harremanetan jartzeko:
Nazioartean laguntzea
Kolonbiako nekazari-elkarteei eta giza eskubideen aldeko erakundeei nazioarteko laguntza ematen die, hiru ardatz hauek oinarri hartuta:
- 1. Presentzia fisikoa arrisku handiko inguruetan, zuzeneko arriskuen disuasio-faktore izan dadin. Elkarrizketen bidez, IAP erakundeak erasotzaile potentzialei azaltzen die zer ondorio izan ditzakeen ekintza jakin batek, herrialdeko Konstituzioaren arabera, giza eskubideei buruzko nazioarteko itunen arabera, eta Nazioarteko Zuzenbide Humanitarioaren arabera. Mehatxatuta dauden erakunde edo pertsonei jardueretan zuzenean laguntzean segurtasun-eremu bat sortzen da eta haien lana egin dezakete.
- 2. Eragin politikoa, agintari politiko eta zibilekin, diplomatikoekin, beste GKE batzuekin, nazioarteko lankidetza-erakundeekin edo gizarte-mugimenduekin egindako bileren bitartez. Horrenbestez, sostengu-sare bat sortzen da, eta presioa eragiteko gaitasuna handitzen da.
- 3. Kolonbian giza eskubideek duten egoeraren berri ematea eta sentsibilizatzea, eta bake-kulturaren eraikuntza eta nazioarteko elkartasuna sustatzea.
JASS- Asociadas por lo Justo
Emakumeen ahotsa, ikusgarritasuna eta botere kolektiboa sendotzea du helburu, guztiontzat mundu iraunkor eta bidezko bat sortzeko. 2003an sortu zuten elkartea 13 herrialdetako hainbat emakume aktibista, herri-hezitzaile eta akademikok. Komunitate aktiboa den aldetik, JASSek ezagutzak sortzen ditu botereari, mugimenduei eta aldaketari buruz, teoria, praktika eta politikak eratzeko, emakumeen eskubideak eta aldaketa demokratikoa bultzatuz.
JASSek eskualdeko lantaldeak ditu lurralde hauetan:
Non egiten du lan?
JASSen eskualdeko eta nazioarteko ekimenen bidez laguntza zuzena dute herrialde hauetako aliatuek: Zambia, Malawi, Zimbabwe, Kanbodia, Ekialdeko Timor, Indonesia, Filipinak, Birmania, Malaysia, Mexiko, Honduras eta Guatemala. Halaber, noizbehinkako jarduerak egiten dituzte herrialde hauetako aliatuekin: AEB, Holanda, Thailandia, Hegoafrika, Botswana, Namibia, Panama, Nikaragua, El Salvador eta Costa Rica. Horrez gainera, erakunde-garapenerako programa independente bat dauka, talde feministekin eta herritarrekin batera lantzeko, Ugandan eta Kenyan.
Harremanetan jartzeko:
Laguntza psikosoziala
JASSek koordinatzen du, gaur egun, Iniciativa Mesoamericana de Mujeres Defensoras de Derechos Humanos (IM-Defensoras).
JASS – Erdialdeko Amerika ekimenak emakume defendatzaileei buruzko programa bat bultzatu du, babeserako eta autozainketarako sareekin koordinatuta, Hondurasen, Mexikon, Guatemalan eta El Salvadorren. Guztira, defendatzaileen sare horietan 200 emakumetik gora bildu dira. Horretarako:
- Konfiantzazko eremu seguruen sorrera bultzatzen du, emakume defendatzaileek adieraz dezaten zer indarkeriari egin behar dioten aurre. Sarritan inguruko familian, komunitatean edo erakundean ez daukaten laguntza-sarearen eraikuntza bideratuko duten eremuak izango dira.
- Emakumeek giza eskubideen arloan egiten duten lana eta ekarpena aintzat hartzea bultzatzen du.
- Eskualdean emakume defendatzaileek pairatzen duten indarkeria-egoera genero-ikuspegitik aztertzea dakar.
- Eskualdeko herrialde bakoitzean emakume defendatzaileen aurkako indarkeria-kasuei arreta ematen die, eskualdeko eta nazioarteko ekintza-estrategia oinarri hartuta.
- Defendatzaileei, era indibidualean zein kolektiboan, haien babes-estrategiak sortzeko gaitasunak sendotzea bultzatzen du.
- Hainbat babes-premiei behar bezala erantzuteko askotariko baliabide malguak abian jartzen ditu.
- Autozainketaren politizazioa bultzatzeko azterketa eta estrategiak garatzen ditu, gizarte-mugimendu eta borroken iraunkortasuna bermatzeko modua den aldetik.
Observatorio Internacional de la Abogacía en Riesgo
Observatorio Internacional de la Abogacía en Riesgo (OIAD, frantseseko siglak hartuta) erakunde hauen ekimenez sortu zen: Conseil National des Barreaux (Frantzia), Barreau de Paris (Frantzia), Consejo General de la Abogacía Española (Espainia) eta Consiglio Nazionale Forense (Italia). Behatokiak munduko edozein tokitan abokatutzan jarduteko askatasuna mugatzen edo eragozten duten kasu eta egoerei buruzko dokumentazioa biltzen du eta jarraipena egiten du. Helburua da lanbidearekin lotutako arrazoiengatik mehatxatu edo jazarri dituzten abokatuei sostengu eraginkorra ematea. Horretarako, elkarlanean dihardu eragile hauekin: Biktima diren abokatuak edo haien familiak; abokatu-elkargoak, abokatu-elkargoen elkarteak eta abokatuen beste erakunde batzuk; herrialdeko eta nazioarteko gobernuz kanpoko erakundeak; herrialdeko eta nazioarteko erakunde publikoak; gobernuarteko erakundeak.
Horrez gainera, gaur egun abokatuen kontseilu eta elkargo hauek kide aktiboak dira:
Kamerun: Abokatuen Kontseilu Nazionala
Espainiako estatua: Bartzelonako, Madrilgo, Bizkaiko, Lleidako, Talavera de la Reinako eta Caceresko abokatu-elkargoak
Frantzia: lurralde hauetako abokatu-elkargoak: Caen, Hauts-de-Seine, Metz, Montpellier, La Rochelle – Rochefort, Lyon, Rouen, Estrasburgo, Tour, Thonon les Bains eta Rennes
Italia: lurralde hauetako abokatu elkargoak: Bari, Brescia, Messina, Milan, Oristano, Erroma eta Torino.
Suitza: Genevako Abokatuen Elkargoa
Turkia: Diyarbakirgo Abokatuen Elkargoa
Non dihardute?
Nazioartean.
Harremanetan jartzeko:
Mikel Cordoba(Consejo General de la Abogacía Española):
mikel.cordoba@fundacionabogacia.org
Josquin Legrand(Conseil National des Barreaux):
Anne Souleliac(Barreau de Paris):
Lege-laguntza
Abokatu-misioak bidaltzen ditu tokian bertan laguntza juridikoa, morala eta/edo materiala emateko giza eskubideak defendatzeagatik eta/edo lanbidean jarduteagatik mehatxatu edo jazarri dituzten abokatuei. Halaber, abokatuen elkargo eta elkarteei informazioa ematen die, bai eta abokatuak babesten dituzten gainerako eragileei ere, kasuaren ardura hartzeko eta mehatxatutako pertsonari laguntza azkarra emateko.
Epaiketen behaketa
Abokatuen ordezkaritzak bidaltzen ditu dagokion tokira, bertan behaketa judizialarekin lotutako lanak egiteko.
Eskaera urgenteak
Komunikazio urgenteak eta alegazioak bidaltzen dizkie abokatu-elkargoei, herrialdeko eta nazioarteko agintari politikoei eta giza eskubideen aldeko tokiko eta nazioarteko elkarteei.
Organización Mundial contra la Tortura (OMCT)
1985ean sortutako erakundea da, eta gaur egun torturen, exekuzio sumarioen, desagertze behartuen eta beste edozein tratu anker, gizagabe edo laidogarriren aurka borrokatzen duten gobernuz kanpoko erakundeen (GKE) nazioarteko koalizio nagusia da.
Non dihardute?
Nazioartean
Harremanetan jartzeko:
Laguntza mediko eta psikosoziala
Torturaren biktimei laguntzeko programaren barruan, Torturaren Aurkako Mundu Erakundeak estatu-mailako errehabilitaziorako sare eta zentroetako kideekin lanean dihardu, defendatzaileei laguntza medikoa emateko. Laguntza horrek hainbat gastu kontuan hartzen ditu: tratamendu fisiko edo psikologikoen mediku-ordainsariak, zentro espezializatuetara bidalitako kasuen gastuak, eta ospitaleratu behar ez diren pazienteen oinarrizko beharretarako gastuak.
Lege-laguntza
Torturaren Aurkako Mundu Erakundeak lege-laguntza ematen die defendatzaileei, torturaren biktimei urgentziazko laguntza emateko funtsaren bidez. Laguntza horrekin, abokatuen ordainsariak eta asilo-eskaerak izapidetzeko gastuak ordaintzen dira, baita psikologoen ordainsariak ere.
Epaiketak behatzeko misioak
Eskaera urgenteak
Arriskuan dauden defendatzaileei buruzko premiazko eskaerak kontuan hartzen dituen alerta-mekanismo bat dauka. Kasu bakoitzari buruzko informazioa ematen du, bai eta herrialdeko agintariek egin beharko lituzketen ekintzei buruzko informazioa ere. Orobat, helbideak ematen ditu, pertsonek edo erakundeek jardun dezaten.
Elkartasun -bisitak eta ikuskapena
Solidaritate-misioak egiten ditu, helburu hauek kontuan hartuta:
- Arrisku-egoeran dauden defendatzaileei laguntza ematea.
- Defendatzaileei haien jarduerak egiten laguntzea.
- Defendatzaileak gobernu arteko, nazioarteko eta eskualdeko erakundeen ordezkariekin harremanetan jartzea, bai eta atzerriko agintariekin ere, haien eragin-jarduerak sustatze aldera.
- • Nazioarteko komunikabideak defendatzaileen egoeraz ohartaraztea, eta giza eskubideek herrialdean duten egoeraren berri ematea.
Operazione Colomba
Operazione Colomba da Comunità Papa Giovanni XXIII elkarteko indarkeriarik gabeko bake-kidegoa. 1992an sortu zen, gatazka-eremuetan indarkeria-ezaren ikuspegia aplikatu nahi zuten boluntario eta kontzientzia-eragozleek sustatuta.
Non dihardute?
Albania, Kolonbia, Libano (errefuxiatuen kanpamenduak) eta Palestina.
Harremanetan jartzeko:
Nazioartean laguntzea
Indarkeriaren mende dauden herritar zibilak babesten dituzte, nazioarteko presentziaren bidez, eta indarkeriarik gabeko ekintza zuzenak baliatuta. Adibidez: fisikoki tartean jartzea, giza eskubideen urraketak salatzea, mehatxatutako pertsonei laguntzea, elkartasun-ekintzak, bileretan laguntzea eta gatazkan dauden aldeen artean bitartekari-lanak egitea, gutxiengoak babestuz.
Nazioarteko Bake Brigadak
Indarkeriaren eraginez bizia eta/edo lana mehatxatuta duten giza eskubideen defendatzaileak eta komunitateak babeste aldera toki, eskualde eta nazioarte mailan lan egiten duen erakundea.
Erakundearen helburua da eremu politikoak zabaltzea eta defendatzaileei laguntza morala ematea, haien lana egin dezaten, errepresioaren beldurrik gabe. Horretarako, nazioarteko laguntzaren ikuspegia ardatz hartuta egiten dituzte jarduerak, teknika horretan aitzindari baitira Nazioarteko Bake Brigadak.
Non dihardute?
Kolonbia, Guatemala, Honduras, Indonesia, Nepal eta Mexiko.
Harremanetan jartzeko:
Nazioartean laguntzea
Laguntzeko, nazioarteko boluntario-taldeak joaten dira gatazka dagoen tokira, eta ardura hauek hartzen dituzte beren gain:
- Egoera politikoa aztertzea, mehatxatutako erakunde eta komunitateei laguntzea, erasorik ez izateko, eta laguntza morala ematea.
- Tokiko eta nazioko agintari zibil eta militarrekin biltzea, bai eta enbaxadekin ere, eragite aldera.
- Giza eskubideen urraketei buruzko informazio objektiboa ematea.
Erantzun urgenteak
Nazioarteko Bake Brigadek nazioarteko laguntza-sareak sortu eta sendotu dituzte, herrialdeko, eskualdeko eta nazioarteko gobernu eta erakundeei presioa eragiteko, arriskuan dauden defendatzaileak babesteari buruz hartutako nazioarteko konpromisoak bete ditzaten.
Peace Watch Switzerland
Krisian dauden eskualdeetan giza eskubideen aldeko tokiko erakundeei, elizei eta herritar zibilei laguntzeko lan egiten duen erakundea. Lurraldean bertan eta Suitzan behaketa-lanak eta eragiteko helburua dutenak egiten ditu.
Non dihardute?
Kolonbia, Guatemala, Honduras eta Palestina.
Harremanetan jartzeko:
Nazioartean laguntzea
Nazioarteko behatzaileak bidaltzen ditu krisian dauden eskualdeetara, gizarte-justiziaren aldeko bake-prozesuetan jarduteko konpromisoa hartzen duten herritarrei laguntzeko, eta giza eskubideak babesteko. Atzerritarrak lurraldean bertan begira egoteak oztopatzen du indarkeriazko erasoak isilaraztea, eta herritar zibilen aurkako erasoak, larderia-ekintzak eta liskarrak eragozten ditu.Behatzaileek zeregin hauek dituzte:
- Presentziaren bidez babesa ematea
- Giza eskubideen urraketen berri ematea eta dokumentazioa biltzea
Pen International
Giza eskubideak eta adierazpen-askatasuna defendatzea helburu duen idazleen nazioarteko erakundea, literatura eta adierazpen-askatasuna banaezinak direla agerian jartzen duena.
Harremanetan jartzeko:
Larrialdiko diru-laguntzak
Arriskuan dauden idazleen finantza-premietarako larrialdiko funtsa daukate. Funts horren bidez, aparteko diru-laguntzak ematen dituzte larrialdiko hainbat neurritarako, honako hauek barnean hartuta: bisak, hegaldiak eta bidaia-aseguruak; mediku-laguntza eta laguntza orokorra mantenu-gastuetarako.
Proyecto de Acompañamiento Internacional en Honduras
AEBko Friendship Office of the Americas gobernuz kanpoko erakundearen proiektua, nazioarteko behatzaileen bidez gauzatzen dena: errepresioa eta jazarpen politikoa nagusi diren giroan giza eskubide indibidual edo kolektiboen alde egiteagatik mehatxuak edo erasoak pairatzen dituzten defendatzaileei laguntzen diete.
Non dihardute?
Honduras
Harremanetan jartzeko:
Nazioartean laguntzea
Presentzia fisikoaren bidez laguntzen diete defendatzaileei (komunitateak, giza eskubideen aldeko erakundeak eta gizarte-mugimenduetako kideak barnean hartuta), erasotzaile potentzialek haien asmoetan atzera egin dezaten. Laguntza printzipio hauetan oinarritzen da: indarkeria eza, injerentzia eza eta independentzia politikoa.
Giza eskubideen urraketak dokumentatzeko prozesuan laguntzen dute, eta informazio sendoa helarazten diote nazioarteko komunitateari. Nazioarteko laguntza-sareekin batera, kidego diplomatikoan eragiteko ekintzetan parte hartzen dute.
Protectdefenders.eu
Europar Batasunaren tresna, arrisku egoeran dauden giza eskubideen defendatzaileak babesteko ezarria. Giza eskubideen aldeko 12 GKEk osatutako partzuergo batek lideratzen duen ekimena da.
Munduko edozein tokitan giza eskubideak defendatzen dituzten tokiko erakunde eta eragileei laguntza egonkorra, integrala eta genero-ikuspegia aintzat hartzen duena ematen die. Giza eskubideen alde lan egitea bereziki arriskutsua den urrutiko eremu eta herrialdeetan diharduten pertsonengana iristen ahalegintzen da. Halaber, bereziki mehatxatuta dauden defendatzaileak kontuan hartzen ditu, hala nola giza eskubideak defendatzen dituzten emakumeak, LGBTI eskubideen defendatzaileak, ingurumenaren eta lurraren eskubideen defendatzaileak, eskubide ekonomiko eta sozialen defendatzaileak, gutxiengoen defendatzaileak, abokatuak, eta adierazteko eta elkartzeko askatasunaren alde borrokan diharduten pertsona guztiak.
Harremanetan jartzeko:
Eskaera urgenteak
Bazkideei esker, ProtectDefenders.eu bidez ekintza urgenteak egiten ditu, hala nola fax edo telefono bidezko deiak agintari eskudunei, kasua Ebren bidez edo gobernu-ordezkarien bidez planteatuta.
Larrialdiko diru-laguntzak
Erantzun azkarra eta berariazkoa ematen du, arrisku-egoeran dauden giza eskubideen defendatzaileei laguntze aldera. Larrialdietako diru-laguntzen programak bermatzen du defendatzaileak babesteko segurtasun-neurri urgenteak eskura izatea, baita haien familiak eta lana babesteko neurriak ere.
Larrialdiko laguntza honen oinarri dira lehendik zeuden bazkideen larrialdiko diru-laguntzak: Front Line Defenders, FIDH, OMCT, RSF, UAF, EMHRF, Forum Asia y EHAHRDP. Arriskuan dauden giza eskubideen defendatzaileei laguntza praktikoa eta azkarra emateko, EBtik kanpoko finantzazioaz baliatzen dira.
Arrisku-egoeran dauden pertsonentzako larrialdiko ditu-laguntzen eskaerak banan-banan ebaluatzen dira, identitatearekin, egoerarekin eta premiarekin lotutako irizpideak aintzat hartuta.
Arrisku-egoeran dauden giza eskubideen defendatzaileei finantza-laguntza eta laguntza materiala emateko hautatzean, honako laguntza hauek sartzen dira:
- Segurtasun fisikoa
- Segurtasun digitala
- Komunikazioa
- Segurtasunerako gaitzeas
- Garraio eta lekualdatze segurua
- Laguntza juridikoa
- Laguntza medikoa (laguntza psikosoziala eta errehabilitazioa barnean hartuta).
- Laguntza humanitarioa (laguntza familiarra barnean hartuta).
- Birkokatze urgentea
- Monitorizazio urgentea, informazioa eta agerian jartzea
Larrialdietako telefonoa:
Front Line Defendersek zuzentzen duen larrialdietako telefono-linea zuzenaren bidez laguntza ematen die berehalako arrisku bati aurre egin behar dioten giza eskubideen defendatzaileei eguneko 24 orduetan.
Telefono-linea zuzena (+353 (0) 1 21 00 489) eskura dago edozein ordutan, egunero, eta deiari arabieraz, ingelesez, frantsesez, errusieraz edo espainieraz erantzuteko aukera ematen du, berehalako laguntza eta nazioarteko ekintza abian jartzeko.
ProtectDefenders.eu bidez laguntza urgentea behar duten giza eskubideen defendatzaileek mezu enkriptatua ere erabil dezakete, kanal seguru baten bitartez, harremanetarako formulario seguru bat baliatuta.
Protection International
Arriskuan dauden giza eskubideen defendatzaileei norberaren burua babesteko estrategiak sortzen eta segurtasuna kudeatzeko tresnak erabiltzen laguntzen dien nazioarteko erakundea. 2004az geroztik mundu guztiko berrogeita hamar herrialde baino gehiagotan dihardute, tokiko lankideekin batera (komunitateak, oinarrizko erakundeak eta defendatzaileak), babes-estrategiak ematen. Komunitate, mugimendu eta erakundeei babes kolektiboa ematea du ardatz.
Non dihardute?
Kolonbia, Guatemala, El Salvador, Honduras, Mexiko, Indonesia, Kenya, Nafarroa, Kongoko Errepublika Demokratikoa, Thailandia eta Brasil.
Harremanetan jartzeko:
Erantzun urgenteak eta eragina
Erakundearen helburuetako bat da agintariek beren gain har dezatela beste eragile eta erakunde batzuk babesteko eta inplikatzeko erantzukizuna. Protection International hainbat eragilerekin batera ari da lanean: Europar Batasuna eta haren ordezkaritzak, Giza Eskubideak babesteko Sistema Interamerikarra, Defendatzaileentzako Errelatore Berezia, Giza Eskubideen aldeko Goi Komisarioaren Bulegoa eta abar. Lehentasunezko gaiak hauek dira: defendatzaileen kriminalizazioa eragoztea, eta babes-politika publikoak eta babes kolektiboa hobetzea.
Red Internacional para los Derechos Económicos, Sociales y Culturales (Red DESC)
Giza eskubideak defendatuz, justizia sozial eta ekonomikoaren alde 75 herrialdetan lanean diharduten 230 erakunde eta 50 pertsonatik gora biltzen dituen lankidetza-ekimena.
Giza eskubide guztien arloa sendotzea du helburu, eta eskubide ekonomiko, sozial eta kulturalak aintzat hartzen ditu, batez ere, eta haiek sustatzea, babestea eta betetzea erraztuko duten tresnak garatzen jarraitzeko asmoa du.
Harremanetan jartzeko:
Eskaera urgenteak
Solidaritate Sistema (SOS) ekimena garatu du, ESCR-Net sarearen ahots kolektiboa entzunarazteko tresna gisa. Horrenbestez, online eskaera, gutun kolektiboak, sare sozialak edo komunikabideak baliatzen dituzte. Orobat, mehatxatuta dauden defendatzaileak hobeto babesteko eta giza eskubideen urraketak prebenitzeko baliabide eta tresnak partekatzen dituzte.
Reporteros sin Fronteras
Prentsa-askatasunaren aldeko nazioarteko erakundea, informazioa emateko eta jasotzeko oinarrizko giza eskubidetzat hartuta.
Harremanetan jartzeko:
Larrialdiko diru-laguntzak
Mugarik Gabeko Erreportariek banakako diru-laguntzak ematen dituzte urtero, errepresalien biktima izan diren kazetarien berehalako premiei erantzuteko, faktura medikoak edo lege-laguntza ordaintzeko edo babesleku seguru bat aurkitzeko, mehatxatuta egonez gero.
Mugarik Gabeko Erreportariek, beste erakunde batzuekin lankidetzan, laguntza ematen du honako arlo hauetan:
- Indarkeriaren biktima izan diren kazetariei laguntza medikoa ematea.
- Legezko zerbitzu-sariak ordaintzea
- Babesleku seguru bat aurkitzea.
- Atzerrira ihes egitea erabakitzen badute, premia urgenteenei erantzutea
- Familien aurkako errepresalien ondorioei aurre egitea
Somos Defensores Programa
Programaren helburua da Kolonbian giza eskubideen defendatzaile-lanetan ari direlako arriskuan dauden pertsonen bizia babesteko eta erasoak prebenitzeko proposamen integral bat garatzea.
Non egiten dute lan?
Kolonbia
Harremanetan jartzeko:
Birkokatzeko larrialdiko diru-laguntzak
Laguntzen bidez, arrisku-eremutik herrialdeko beste hiri batzuetara edo atzerrira joan behar duten defendatzaileei aldi baterako sostengua ematen die Programak. Sostengu horrek zenbait arlo ditu:
- Laguntza humanitarioa: Berehalako babesa kudeatzeko baliabiderik ez daukan defendatzaileari laguntza ekonomikoa ematen zaio, berehalako arriskuan badago, eta lurraldean babesik gabe dagoela egiaztatzen badu.
- Laguntza nazionala: Defendatzailea aldi batez (3-6 hilabete) birkokatzen da, haren bizia salbatzeko; baina, beste lurralde batean badago ere, giza eskubideak defendatzeko lanean jarrai dezan bultzatzen da.
- Nazioarteko laguntza: Defendatzailea aldi batez (urtebete, gehienez) birkokatzen da, haren bizia salbatzeko. Arriskua oso larria denean eta Kolonbian bizirik jarraituko duela bermatzeko estatuko edo estatuz kanpoko mekanismorik ez dagoenean baliatzen da. Beste herrialde batean egon arren, giza eskubideak defendatzeko lanean jarrai dezan bultzatzen da.
Programak aholku ematen die defendatzaileei, estatuko babes-mekanismoak eskuratzeko (defendatzaileak nahi izanez gero), bai eta norberaren burua babesteko mekanismoak aplikatzeari buruz ere.
Erantzun urgenteak
Programak hainbat erakundetan (Gobernua eta estatuko erakundeak, erakunde aldeaniztunak, enbaxadak eta nazioarteko komunitatea) eragiteko lana garatzen du, defendatzaileak, haien erakundeak eta komunitateak babesteko neurri politikoak hartzera bultzatzeko.
Giza eskubideen defendatzaileen aurkako erasoei buruzko informazio-sistema bat sortu du, defendatzaileen aurkako erasoak dokumentatzeko, ikertzeko eta tratamendua sistematizatzeko, arlo horri buruzko informazioa etengabe ematea helburu hartuta, herrialdean eta nazioartean eragite aldera.
Movimiento Sueco por la Reconciliación (SweFOR)
Bakearen eta justiziaren alde lan egiten duen indarkeria-ezaren mugimendua. Giza eskubideen defendatzaileei eta gizarte zibileko beste eragile batzuei laguntzen die Mexikon, Guatemalan eta Kolonbian.
Non dihardute?
Kolonbia, Guatemala eta Mexiko.
Harremanetan jartzeko:
Mexikon harremanetan jartzeko:
Guatemalan harremanetan jartzeko:
Kolonbian harremanetan jartzeko:
Nazioartean laguntzea
SweFOR erakundeak indarkeriarik gabe diharduten eragile zibilei laguntzen die, pertsonak zein erakundeak barnean hartuta, jardunaren bidez giza eskubideak errespetatzea eta egikaritzea sustatzen badute.
Urtero, bake-behatzaileak herrialdeetara joaten dira, giza eskubideen aurkako gehiegikeriak salatzeko, eta bakearen eta justiziaren alde aktiboki lan egiten duten pertsonei babesa emateko. SweFORek ematen duen nazioarteko laguntza baliagarria da lagundutako pertsonen aurka erasotzaile potentzialek egin ditzaketen erasoak geldiarazteko, bai eta lagundutako pertsonen osotasun fisiko eta mentala babesteko ere. Nazioarteko presentziak indarkeria geldiaraz dezake, eta lagundutako pertsonen lanari duintasuna emateko ere balio du.
Erantzun urgenteak
Defendatzaileen aurkako erasoak gertatuz gero informazioa zabaltzeko eta berehalako erreakzioak sortzeko sare eta kanalak dituzte. Erakundearen helburuetako bat da giza eskubideen egoerari buruzko informazioa zabaltzea eta lagundutako defendatzaile eta erakundeei sostengu morala ematea.
Unidad de Protección a Defensoras y Defensores de Derechos Humanos - Guatemala (UDEFEGUA)
Guatemalan eta Erdialdeko Amerikako herrialdeetan 2000 urteaz geroztik giza eskubideen defendatzaileei zerbitzuak ematen dizkien erakundea. UDEFEGUAren misioa da defendatzaileei sostengu integrala ematea, segurtasuna kudeatzeko eta autokudeatzeko ahalduntzea helburu hartuta.
Non dihardu?
El Salvador, Guatemala, Honduras, Nikaragua eta Mexiko.
Harremanetan jartzeko:
Lege-laguntza
Abokatuen zerbitzu-sariak ordaintzeko laguntza ematen du. Auzietarako estrategiak prestatzen ere laguntzen du.
Laguntza mediko eta psikosoziala
Arriskuan dauden defendatzaileei laguntza psikosoziala ematen die.
Eskaera urgenteak
Eskaera urgenteak bidaltzen dizkie nazioarteko eta eskualdeko giza eskubideen aldeko mekanismoei, bai eta gobernuz kanpoko erakundeei ere
Eskaera horiek guztiak urteko txostenean argitaratzen ditu.
Women Human Rights Defenders International Coalition
Giza eskubideak defendatzen dituzten emakumeei mundu osoan laguntza ematen dien sarea. Giza eskubideak defendatzen dituzten emakumeek lanean pairatzen dituzten berariazko arriskuak aintzatesteko lan egiten du, bai eta giza eskubideen defendatzaileak babestean genero-ikuspegia kontuan hartzeko ere.
Contacto:
Eskaera urgenteak
Erantzun urgenteei buruzko lantalde bat dauka.